Мукьвара уьлкведин Президент Владимир Путин Фе­дера­ция­дин Советдин ви­лик Чар гваз экъечI­­на. Ана Урусатдин регьберди хейлин месэлайрихъ галаз санал экономикадиз куьмек гана ва яшайишдин сиясат мягькемарна кIанзавайди къейдна. Зи фикирдалди, и рекье къачузвай гьар са камуни агьалийрин уьмуьр­дин ери хъсанаруниз таъсирда.

Чарче къарагъарнавай важиблу месэлайрин арада гьакIни жуьреба-жуьре метягьрин къиметар хкаж хьун ва яшайишдин жигьетдай барабарвал (социальное неравенство) тахьун авай. Президентди и крариз фикир гунихъ еке метлеб ава. Къиметар хкаж хьуникай рахадайла, В.Путина­ базардин гьар жуьредин механизмайрикай менфят къачунин куьмекдалди къиме­тар хкаж хьунин вилик пад кьун теклифна.­

Чарчин кьилин пай яшайишдиз ва хизандин институтдиз талукь тир. Прези­дентди вичин рахунра исятда сад лагьай­ чкадал хизан, дуствал, садвал — Уру­сат­ди гьамиша хуьдай ивирар алайди кье­тIендиз къейдна. В.Путинан и гафарин тереф дагъустанвийрини хуьзва­.

Руслан  Гереев,

гражданвилин жемият вилик

тухунин жигьетдай ва инсанрин ихтияррин

рекьяй РД-дин Кьилин патав кардик квай Советдин член