20-апрелдиз Махачкъалада Сергей Меликован регьбервилик кваз Дагъустанда ЧIехи Гъалибвилин югъ къейд авунин месэлайриз талукьарнавай совещание кьиле фена. Малум хьайивал, суварин чIехи парад Каспийск шегьерда кьиле фида.
Параддиз аквазвай гьазурвилерикай Каспийскдин флотилиядин командующийдин заместитель Сергей Ракаускаса лагьана. Адан гафаралди, парадда, санлай къачурла, 1404 касди иштиракда ва дяведин техникадин 25 уьлчме желбда.
Суварин мярекатар кьиле фидайла, жемиятдин хатасузвал таъминаруниз кьетIен фикир гудайвал я. И кардал къанун-къайда хуьдай органрин 700 къуллугъчи желбда.
Лагьана кIанда, жергедин агьалийрикай гьар нивай хьайитIани, параддин мярекатда иштиракиз жедач. Совещанидал къейд авурвал, параддиз коронавирусдиз акси рапар янавайбур ва бес кьадар антитела авайбур ахъайда.
«Лезги газет»
