И шикилдай аквазвай руш ДГПУ-дин къецепатан чIаларин факультетдин 4-курсунин студентка Етара Миргьамзаевна Мирзаханова я. Алакьунар авай руш уьлкведин дережада аваз кьиле физвай пешекарвилин “Учитель будущего. Студенты” конкурсдин финалдиз акъатнава. Къейд ийин хьи, тIвар кьунвай конкурс Урусатдин Президентдин “Россия — страна возможностей” платформадик акатзава.
Етарадин ери-бине Хив райондин АрхитIрин хуьряй я. Адан диде, филологиядин илимрин кандидат Бике Мегьамедкеримовна Мирзахановади ДГПУ-да кIвалахзава. Етаради и йикъара Анапа шегьерда пуд юкъуз кьиле фейи “Учитель будущего. Студенты” конкурсдин СКФО-дин этапда гъалибвал къачуна. И проект РФ-дин просвещенидин министерстводин куьмекдалди кьилиз акъудзава.
Уьлкведин дережада аваз кьиле фидай конкурсда СКФО-дай 26 касди иштиракда. Дагъустандай лагьайтIа, тек сада — лезги руш Етара Мирзахановади.
Чи мурад Етара республикадиз гъалибвал гваз хтун я.
«Лезги газет»
