Мукьвара Ахцегь райондин медениятдин кьилин дараматда Идрис Шамхалован тIварунихъ галай халкьдин театрдин гьевескарри районэгьлийриз “Пе­риханум” тIвар алай пьеса къалурна.

Къейдна кIанда хьи, и тамаша кьиле райондин администрациядин культурадин управленидин начальник Къистер Гъаниева авай коллективди дишегьлийрин суварихъ галаз алакъалу яз гьазурнавай.

Са шумуд вацра халкьдин театрди къачур зегьмет, викIегь­даказ ва бажарагълудаказ къалурай тамаша халкьди хушдиз кьабулна.

Тамашада къугъвай устадри чпин ролар алакьунар аваз тамамарна. Абурун арада Дагъус­тандин культурадин лайихлу работник Зулфият Велиева (Периханум), Расим Ибрагьимов (Али хан), Эльбрус Алиев (везир Агьмед), Севзихан Мирзеханов (гьажи Саяд), Кагьраба Ильясова (Эркиназ), Гьажи Агъаев (Муса), Ре­над Гъаниев (Дилдар паша), Исмаил Разаханов (Гьайбет), Саид Эскерханов (Аличубан), Фатима Мегьамедова (Мина къари), Аким Абдурагьимов (Таптух), Назир Чубанов (Мислим), Мадрид Бегеев (нуькер), Телли Гьажиевани Бинетуллагь Агъа­ев (хандин аялар) авай.

Аферин устадриз! Ахцегьрин Идрис Шамхалован тIварунихъ галай театрдин коллективдихъ мадни еке агалкьунар хьун чи мурад я!

«Лезги газет»