Эюбов Ирафедин Теюбович тийижир кас Махачкъаладин Сепараторный поселокда бажагьат жеда. Адан агалкьунрикай, пешедал рикI хьуникай 2016-йисан июндин вацра чна “Лезги газетдиз” кхьейди тир.
Ирафедин Теюбович вуж ятIа рикIел хкин. Ам дяведин женгера кьегьалвилер къалурай чепиви Эюбов Теюбан хва я.
Махачкъаладин 40-мектебдин муаллим Ирафедин Эюбова кьилин кьве образование къачунва. Ада Сепараторрин заводда, Промышленно-экономический техникумда кIвалахна. 1994-йисалай инихъ Махачкъаладин 40-нумрадин школада технологиядин муаллим я.
Муаллимрин иштираквал аваз кьиле фейи са шумуд конкурсда ада сад лагьай чкаяр кьуна. 2020-йисан 23-октябрдиз Ирафедин Теюбовичан уьмуьрда шад вакъиа хьана: адаз хурудал алкIурдай “Почетный работник воспитания и просвещения Российской Федерации” знак гана.
Чи мурад Ирафедин муаллимдихъ мадни еке агалкьунар ва дережаяр кьакьан хьун я.
Мариян Бугаева
