Дагъустандин властрихъ регионда 14 миллиард манатдихъ алай аямдин онкоцентр эцигдай къаст ава. И месэла 2-мартдиз региондин Гьукуматдин Председатель Абдулпатах Амирханован регьбервилик кваз кьиле фейи совещанидал веревирдна, — хабар гузва ТАСС-ди. Чешмедин малуматдал асаслу яз, проектдик кьил кутунвайди “МедИнвестГрупп” ООО я.

Компания онкоцентр эцигдай такьатар гуз гьазур я. Ам онкологиядин азарар квани-квачни чирдай ва азарлубур сагъар хъийидай медицинадин виниз тир технологиядин тадаракралди таъминарда.

Фикирзава хьи, центрадихъ поликлиникадин отделение, стационар, операционно-реанимационный, радиологический отделенияр, клинико-диагностический лаборатория, азарлубур сагъар хъийидай блок ва паллиативный куьмекдин отделение жеда.

Онкодиспансер международный Уйташ аэропортунин патав эцигда.

«Лезги газет»