Малум тирвал, 15-февраль “афгъан­вийрин” сувар яз гьисабзава. Сулейман-Стальский райондани и сувариз кьетIен фикир гузва. Кьасумхуьрел “афгъанвийрин” аллея-паркуна рикIел аламукьдай мярекат кьиле фена.

Сифтени-сифте Сулейман-Стальский райондин кьил На­риман Абдулмуталибова, “афгъанрин” ветеранрин советдин председатель Ислеман Ризаева ва мугьманри Ватандин вилик чпин буржи кьилиз акъудай афгъанвийриз эцигнавай памятникдал  цуьквер эцигна.

Мярекатдал И.Ризаева ветеранрин советди тухузвай кIвалахдикай лагьана ва виридаз сувар мубаракна.

Н.Абдулмуталибова виридаз сувар тебрикна ва И.Ризаевахъ галаз санал райондин “афгъанвийрив” чухса­гъулдин чарар, шабагьар вахкана.

Жемиля  Багъишева,

Вини СтIалрин мектебдин муаллим