“Газпром межрегионгаз Махачкала” ООО-ди ишлемишнавай газдай буржар кIватI хьанвай муьштерийриз абур тади гьалда вахкун чарасуз тирди рикIел хкизва. “Газдин гьакъи це!”, — тагькимарзава идаради республикадин агьалийриз. Алатнавай гьар вацра ишлемишнавай газдин гьакъи алукьзавай вацран 10 лагьай югъ алукьдалди гун чарасуз я. Эгер ам кьве вацран вахтунда таганваз ва я тамамдиз тушиз ганваз хьайитIа, идарадиз муьштери газдалди таъминарун акъвазардай ихтияр ава.
ЧIуру къастуналди гьакъи тагузвай бязи муьштерийрал ишлемишнавай газдай цIудар, гьатта вишер агъзурар манатрин буржар кIватI хьанва. И кар себеб яз, ихьтин муьштерияр газдикай магьрум хьана амукьунин мумкинвал екеди я.
“Буржар кIватIмир ва вири гьахъ-гьисабар вахтунда ая!” — эвер гузва газдалди таъминарзавай компанияди.
Къейд:
“Газпром межрегионгаз Махачкъала” ООО-дин “кузвай алакъадин” сад тир пулсуз нумра — 8-800-200-98-04. Иниз зенг авуна ва лицевой счетдин нумра лагьана, квевай ишлемишнавай газдиз талукь яз кIватI хьанвай буржунин кьадар чириз жеда.
Газдин гьакъи гуз жеда:
— www.mkala-mrg.ru сайтда авай “Абонентдин хсуси кабинетдай”, я тахьайтIа “Зи газ” ва я “Сбербанк-онлайн” приложенидин куьмекдалди;
— районрин ва шегьеррин абонентвилин къуллугъра (абурун адресар ва телефондин нумраяр www.mkala-mrg.ru сайтда къалурнава).
«Лезги газет»