ЦIийи йисан вилик Сулейман-Стальский райондин умуми образованидин 3 школади цIийи автобусар къачуна. Кьилди къачуртIа, Герейханован 2-нумрадин, Зизикрин юкьван школайри ацукьдай 11 чкадин “Газель” маркадин автобусар, Маидин Къараханован тIварунихъ галай КIварчагърин юкьван школади 15 чкадин “Форд” машин къачуна.
Къейд ийиз кIанзава, 2019-йисуз райондин школайри 8, 2020-йисуз 2 машин къачунай.
Вири автобусар школьникрин хатасузвал хуьдай тадаракралди, гьабурукай яз ГЛОНАСС системадалди таъмин я.
Хазран Кьасумов
