Играми ватанэгьлияр! Къе Дагъларин уьлкведа Дагъустандин АССР арадал гъайидалай инихъ 100 йис тамам хьун къейдзава. Дагъвияр патал им кьетIен вакъиа я.

1921-йисан 20-январдиз ДАССР-дин арадал гъунин гьакъиндай Вирироссиядин Центральный Исполнительный Комитетдин декретди Дагъустандин государственностдин юридический дибар тайинарнай.

Им чи республика патал цIийи девир алукьна лагьай чIал тир. Дагъустан яшайишдин жуьреба-жуьре хилерай вилик физ гатIунна. Вири йисара дагъустанвийри садвал, миллетрин арада стхавал хвена ва и кар къени давам жезва. И делилди дагъвийриз чпел гьалтай гьар са четинвилиз, имтигьандиз дурум гудай мумкинвал гана.

Дагъустан урусатдин виридалайни девлетлу регионрикай сад я. Ина дуствилелди цIудралди жуьреба-жуьре халкьар яшамиш жезва. Гьар са миллетдихъ вичиз хас кьетIенвилер ава. Абуру санлай Дагъларин уьлкведин медениятдин, руьгьдин девлетлу ирс арадал гъизва. Ам хуьн ва чалай кьулухъ къведай несилрал агакьарун чи буржи я.

Дагъустан къенин юкъуз вилик физвай республикайрикай сад я. Кьиле чи ватанэгьли Сергей Меликов аваз чи республика мадни абад жедайдак чна умудар кутазва.

Мегьамед Ибрагьимов