Гепард вагьшийрикай виридалайни йигиндиз катдай гьайван яз гьисабзава. Ингье адакай бязи делилар:
— Гепарддивай са сятда 100-120 километрдиз чукурдай йигинвал къачуз жеда.
— РагъэкъечIдай пата ва Азияда гепардар гзаф вахтара гъуьрчен кицIерин чкадал ишлемишзавай.
— Кацерин жинсинин бязи маса вагьшийрилай (лекьен, аслан, пеленг) тафаватлу яз, гепардри лешер садрани недач.
— ТIуьн авачиз гепардривай 5-6 юкъуз яшамиш жезва.
— Тапасрал алай къармахар какурбур тирвиляй гепардривай тарариз хъсандиз акьахиз жезвач.
— Гепардни леопард (лекьен) винел патан акунрай тафаватлу авун четин туш: адет яз, гепарддин кьил гъвечIи жеда.
— ТIебиатда гепардар 10-12 йисуз яшамиш жезва. Азад тушир шартIара абурун уьмуьр гьатта 17 йисав агакьзава.
— Гепарддиз яргъал алай затIар хъсандиз аквазва.
— Гепарддин уьмуьр регьятди туш, вучиз лагьайтIа ада вичиз тIуьн патал кьазвай гьайванрин са пай адавай маса еке вагьшийри къакъуд хъийизва.
— 10-13 йис идалай вилик Африкада амай гепардрин кьадар 6300 яз гьисабзавай.
«Лезги газет»
