Махачкъалада, А.П. Салаватован тIварунихъ галай Къумукьрин музыкадинни драмадин театрда “Халкьар — гзаф, уьлкве сад я” лишандик кваз тухвай республикадин конкурсдин нетижаяр кьуна. Ам РД-дин милли сиясатдай ва динрин крарин рекьяй министерстводи тешкилнавайди тир.
Финалдиз конкурсдин муниципальный ва округдин этапра гъалиб хьайи яратмишдай коллективар акъатнавай. Конкурс 5 номинациядай кьиле тухвана.
“Россиядин халкьарин чIаларал дяведикай манияр” номинациядай Агъа СтIал-Къазмайрин юкьван мектебдин 4-классдин ученик Имам Гьасанова 2-чка кьуна. Ам дипломдиз ва 30 агъзур манатдин сертификатдиз лайихлу хьана.
Имам Гьасанов конкурсдиз гьазурай муаллим Извина Абдуллаева я.
Хазран Кьасумов
