Алай йисан 23-25-октябрдиз Грозный шегьерда кьиле фейи медениятдинни спортдин “Кавказдин къугъунар” фестивалда Дагъустандин хкянавай командадик кваз Сулейман-Стальский райондин Герейханован хуьруьн 2-отделенидин мектебда физкультурадин муаллимвиле кIвалахзавай Эдик Агьмедовани иштиракна.
РикIел хкин: Э.Агьмедов гиряйрин спортдай Дагъустандин чемпион, спортдин мастер я. Ада машгьур тренерар тир Магилан Саидован ва Рустам Жабраилован гъилик устадвал хкажна.
Нубатдин акъажунра чи ватандашди цIийи рекорд эцигна: 16 кг-дин заланвал авай гиря 3 сятда 2200 сеферда хкажна.
«Лезги газет»
