Алатай гьафтеда Сад хьанвай Арабрин Эмиратрин меркез Абу-Даби шегьерда  Гьабиб   Нурмегьамедова  какахьай­ единоборствойрай кьезил заланвал авай спортсменрин категорияда UFC-дин (какахьай единоборствойрай бягьсер кьиле тухузвай спортдин организация, ам США-дин Лас-Вегасда кардик ква) чемпионвилин чIул 3-сеферда хвена.

ИкI, Америкадай тир спортсмен Джастин Гэтжидихъ галаз бягьс чи пагьливанди кIвачеривди бамишардай къайда (треугольник) ишлемишуналди, вахт амаз — кьвед лагьай раундда (бягьс 5 раунддикай ибарат тир) акьалтIарна. И шад легьзейра дагъустанви спортсменди вичи спортдин рехъни акъвазарунин къарар къачунвайдини малумарна.

Нубатдин гъалибвал чемпионди рагьметдиз фейи вичин бубадин экуь къаматдиз бахшнава.­

РикIел хкин: Гь.Нурмегьамедова (32 йис) пешекар спортсменрихъ галаз вири санлай (2012-йисалай инихъ) 29 бягьс кьиле­ тухвана, виринра гъалибвал къазанмишна.

Чи мухбир