* * *
Бейкарриз гузвай пособидал алай йисан сентябрдин вацра яшар тамам тахьанвай (18 йис тахьанвай) гьар са аялдин кьилиз 3000 манат алава хъийидай къарар кьабулнава.
РикIел хкин, ихьтин пулар алай йисан гатун пуд вацрани ганай. Сентябрдин вацра гузвай пул, агьали кIвалахдикай мус магьрум хьанатIа фикирда такьуна, чара ийизва.
И пул къачун патал агьали регистрация авунвай чкада кIвалахдалди таъминардай центрада (центр занятости) учетда акъвазун лазим я.
* * *
1-мартдилай кьулухъ кIвалах акъвазарнавай ва официальнидаказ бейкарар яз гьисабнавай ИП-риз (индивидуальный предприниматель) 12130 манатдин кьадарда аваз пособие гуда.
Къанундал асаслу яз, ихьтин пособие анжах пуд вацра тайинарзава.
* * *
Алай вахтунда бейкарвиляй гузвай пособидин агъа кIанин кьадарди 1500 манат тешкилзава. И пул эхиримжи 12 вацран къене 26 гьафтеда кIвалахайбуруз ва низам чIурун себеб яз кIвалахдилай алудайбуруз гузва.
Бейкарвиляй гузвай пособидин виридалайни еке кьадар 12130 манатдиз барабар я.
«Лезги газет»
