Зулу зегьметкешрин, иллаки хуьруьн чкада авай инсанрин къайгъуяр артухарзава. Багълара гьар са затI, дигмиш хьана, агакьнава: ич-чуьхвер, хутар, ципицIар, чумалар ва икI мад. Къе-пака жумар, кицикар, кIерецарни кIватIиз гатIунда.
Алай вахтунда арендаторри, кьилдин ксари чпин багъларай шуьмягъар кIватI хъийизва. Гена абур маса гун патал патарал финин игьтияж авач, муьштерияр чеб чкадал къвезва.
Гзаф емишар, иллаки ичер, тарарик кIвахьнава. Абур пуч тахьун патал миже хкуддай цехдиз вахкузва. И кIвалахар пуд СтIалрин, Алкьвадрин, Сийидхуьруьн, Кьасумхуьруьн, ЦIийихуьруьн, Курхуьруьн багълара кьиле физва.
КIварчагъ дередин агьалияр ципицIар кIватI хъувунин къайгъуйрик ква.
Са гафуналди, бегьеррив ацIанвай зулу няметрин варар ахъайнава. Къуй берекатар пара хьурай!
Райсудин Набиев
