И йикъара государственный, партийный ва общественный деятель, Дагъустан Республикадин экономика, иллаки финансрин къурулуш вилик тухуник чIехи пай кутур бажарагълу тешкилатчи ва пешекар, агьалийрин гегьенш къатарин патай вичиз гьуьрмет къазанмишай къени инсан Даниял Закержаев рагьметдиз фена.
Даниял Рамазанович Кьурагь райондин Ашарин хуьре 1933-йисан 1-январдиз дидедиз хьана. Ада хуьруьн школада кIелна. Алакьунар авай гададал гьеле школада амаз райондин гьакимри вил эцигна. КIуьд лагьай классда кIелзавай гада райондин суддин секретарвиле тайинарна. Инай ам комсомолдин кIвалахдал желбна ва са акьван вахт алатнач, Д.Закержаев ВЛКСМ-дин Кьурагь райкомдин 1-секретарвиле хкяна.
1954-1956-йисара райондин жегьилрин кьиле акъвазнавай касдин алахъунар себеб яз фермайра, гамар храдай цехра, магьсулдаррин бригадайра комсомолринни жегьилрин бригадаяр тешкилна, саки вири хуьрера художественный самодеятельностдин коллективрин кIвалахдик юзун кутуна, халкьдин театрар, дагълух са шумуд хуьре багълар арадал гъана.
1957-йисуз Д.Закержаев КПСС-дин Кьурагь райкомдин тешкиллувилин отделдин заведующийвиле тайинарна. Инани ада райондин экономика, культура, яшайиш вилик тухун патал вичин алакьунрикай гьакъисагъвилелди менфят къачуна. Са тIимил вахтундилай жегьил коммунист кIелиз партийный школадиз рекье туна. Чирвилер къачуна хтай ашарвиди КПСС-дин Дагъустандин обкомда хуьруьн майишатдин отделдин инструкторвиле кIвалахна.
1972-йисуз Д. Закержаев вичин хайи райондиз рекье хутазва ва нубатдин партийный конференциядал ам райкомдин 1-секретарвиле хкязава. Кьуд йисуз ада районда хуьруьн майишатдин продукция государстводин планрилай артухни алаз акъудун патал вири майишатра хъсан кIвалах тешкилна. Гуьгъуьнин йисара ада мад КПСС-дин Дагъустандин обкомда зегьмет чIугуна.
1984-йисуз Даниял Рамазанович ДАССР-дин финансрин министрвиле тайинарзава ва и жавабдарлу къуллугъ ада 1996-йисалди кьиле тухузва. 1996-йисуз республикада Федеральный казначействодин управление кардик кутуна. Адан кьилени Даниял Рамазанович акъвазарна. Авайвал лагьайтIа, чи ватанэгьлиди, республикадин вири районра ва шегьерра цIийи идарадин къурулушар, пешекаррин дестеяр арадал гъиз ва абурув кIвалахиз туна.
Д.Закержаев “Зегьметдин Яру Пайдах”, “Знак Почета” орденрин, Россиядин Федерациядин ва Дагъустан Республикадин лайихлу экономист лагьай тIварарин сагьиб тир. Адан экуь ва жанлу къамат ам чидай виридан рикIера амукьда.И йикъара государственный, партийный ва общественный деятель, Дагъустан Республикадин экономика, иллаки финансрин къурулуш вилик тухуник чIехи пай кутур бажарагълу тешкилатчи ва пешекар, агьалийрин гегьенш къатарин патай вичиз гьуьрмет къазанмишай къени инсан Даниял Закержаев рагьметдиз фена.
Даниял Рамазанович Кьурагь райондин Ашарин хуьре 1933-йисан 1-январдиз дидедиз хьана. Ада хуьруьн школада кIелна. Алакьунар авай гададал гьеле школада амаз райондин гьакимри вил эцигна. КIуьд лагьай классда кIелзавай гада райондин суддин секретарвиле тайинарна. Инай ам комсомолдин кIвалахдал желбна ва са акьван вахт алатнач, Д.Закержаев ВЛКСМ-дин Кьурагь райкомдин 1-секретарвиле хкяна.
1954-1956-йисара райондин жегьилрин кьиле акъвазнавай касдин алахъунар себеб яз фермайра, гамар храдай цехра, магьсулдаррин бригадайра комсомолринни жегьилрин бригадаяр тешкилна, саки вири хуьрера художественный самодеятельностдин коллективрин кIвалахдик юзун кутуна, халкьдин театрар, дагълух са шумуд хуьре багълар арадал гъана.
1957-йисуз Д.Закержаев КПСС-дин Кьурагь райкомдин тешкиллувилин отделдин заведующийвиле тайинарна. Инани ада райондин экономика, культура, яшайиш вилик тухун патал вичин алакьунрикай гьакъисагъвилелди менфят къачуна. Са тIимил вахтундилай жегьил коммунист кIелиз партийный школадиз рекье туна. Чирвилер къачуна хтай ашарвиди КПСС-дин Дагъустандин обкомда хуьруьн майишатдин отделдин инструкторвиле кIвалахна.
1972-йисуз Д. Закержаев вичин хайи райондиз рекье хутазва ва нубатдин партийный конференциядал ам райкомдин 1-секретарвиле хкязава. Кьуд йисуз ада районда хуьруьн майишатдин продукция государстводин планрилай артухни алаз акъудун патал вири майишатра хъсан кIвалах тешкилна. Гуьгъуьнин йисара ада мад КПСС-дин Дагъустандин обкомда зегьмет чIугуна.
1984-йисуз Даниял Рамазанович ДАССР-дин финансрин министрвиле тайинарзава ва и жавабдарлу къуллугъ ада 1996-йисалди кьиле тухузва. 1996-йисуз республикада Федеральный казначействодин управление кардик кутуна. Адан кьилени Даниял Рамазанович акъвазарна. Авайвал лагьайтIа, чи ватанэгьлиди, республикадин вири районра ва шегьерра цIийи идарадин къурулушар, пешекаррин дестеяр арадал гъиз ва абурув кIвалахиз туна.
Д.Закержаев “Зегьметдин Яру Пайдах”, “Знак Почета” орденрин, Россиядин Федерациядин ва Дагъустан Республикадин лайихлу экономист лагьай тIварарин сагьиб тир. Адан экуь ва жанлу къамат ам чидай виридан рикIера амукьда.
«Лезги газет»
