Дагъустандин меценатри мектебар хайи чIалар чирдай учебникралди таъминарун патал 40 миллион манат пул чара авунва. Идакай алатай гьафтеда Махачкъалада Владимир Васильеван регьбервилик кваз кьиле фейи образованидин идарайрин къуллугъчийрин совещанидал малум хьана.
В.Васильева мергьяматлувал авунвай меценатриз сагърай лагьана ва Дагъларин уьлкведин хайи чIалар хуьнихъ, абур несилрал саламатдиз агакьарунихъ еке метлеб авайди къейдна.
Республикадин милли сиясатдин ва динрин крарин рекьяй министерстводин делилралди, 2019-йисуз сифтегьан классар патал дидед чIаларай учебникар чап авун патал республикадин бюджетдай эхиримжи йисара сифте яз саки 900 миллион манат пул чара авуна. Къейд ийин хьи, Дагъустан Урусатда виридалайни гзаф жуьреба-жуьре миллетар яшамиш жезвай регион я.
Чи мухбир
