Алай вахтунда Дербент шегьерда 21 мектеб ава. Абурукай хейлинбур фадлай инихъ кардик квайбур я. Гьавиляй гьам кIелзавайбуруз, гьамни муаллимриз анра къулай шартIар хьун патал шегьердин администрациядин махсус пландин бинедаллаз мектебар ва аялрин бахчаяр ремонтзава.
Кьилди къачуртIа, и важиблу кIвалахар шегьердин 18,12, 9, 16 ва 21 лагьай нумрайрин юкьван мектебра, 12,30,8 лагьай нумрайрин ва са жерге маса аялрин бахчайра, гимназийра кьиле физва.
Чимивал гудай ва цин турбаяр тамамвилелди цIийибуралди эвезна акьалтIарзава, лазим чкайра дакIарар, ракIарар пластикдинбур кутунва.
Генрих Гьасанован тIварунихъ галай куьчеда эцигзавай аялрин цIийи бахчани гатун эхирдалди ишлемишиз вахкудайвал я.
Нариман Къарибов
