Дагъустандин тамарин майишатдин рекьяй Комитетди аялрин шикилрин “Ватандин ЧIехи дяведин йисара тамари къугъвай роль” Вирироссиядин конкурсда гъалиб хьайибуруз пишкешар гунин мярекат кьиле фена, хабар гузва идарадин пресс-къуллугъди. Конкурс Гъалибвилин 75 йис къейд авунихъ галаз алакъалу яз тешкилнавайди тир.
Хабар гузвайвал, конкурсдин иштиракчийри чпин шикилралди и темадин гьар жуьре терефар ачухарна: дяве ва там, дяведин вахтунда тамари къугъвай роль, там — женгерин иштиракчи яз, дяведи тамариз ва тамарин майишатдиз ганвай зарар ва маса месэлаяр.
Гъалиб хьайибурув пишкешар Даглесхоздин кьил Вагьаб Абдулгьамидова вахкана. Конкурсда республикадин мектебра кIелзавай 14 аялди иштиракна. Онлайн-сесер гунин нетижада гъалибчияр хкяна. ИкI, 1-чка Гьажи Рохоева (9 йис, Махачкъала), 2-чка Муслимат Пайзулаевади (11 йис, Махачкъала) ва 3-чка Муса Ибрагьимова (12 йис, Каспийск) кьуна.
«Лезги газет»
