И йикъара Сулейман-Стальский райондин кьил Нариман Абдулмуталибова шадвилин гьалара дзюдодай Сурдлимпиададин къугъунрин чемпион Руслан Аскеровав райондин Собранидин депутат, меценат Азиз Яралиева багъишнавай “Kia Rio” маркадин машиндин куьлегар вахкана.
РикIел хкин, Агъа СтIалдилай тир Руслан Аскерова алай йисан 18-30-июлдиз Туьркиядин Самсун шегьерда кьиле фейи Сурдлимпиададин къугъунра къизилдин медаль къазанмишна.
Къейд ийин хьи, чемпиондин тренер, насигьатчи Тельман Къурбановавни Сулейман-Стальский район еримлу хьунин Фондуни 100 агъзур манатдин кьадарда авай пулдин премия вахкана.
Районда спорт, меденият, образование виликди финиз кьетIен фикир гунай Нариман Абдулмуталибова депутатрин Собранидин, райондин администрациядин тIварцIихъай Азиз Имамович Яралиеваз чухсагъул малумарна ва адахъ чандин сагъвални еке агалкьунар хьун алхишна.
Сулейман-Стальский райондин администрациядин пресс-къуллугъ
