Алай вахтунда Кьиблепатан Дагъустанда вокалдинни алатрин (ВИА) цIудралди ансамблар кардик ква. Абурун арадай халкьдин рикI алайбурукай сад яз “Бахтавар” тIвар алай десте къалуриз жеда.

Десте арадал гъана са акьван гзаф вахт туштIани, адалай халкьдин арада гьуьрмет къазанмишиз алакьнава. “Бахтавардиз” мехъерарзавай жегьилри рикI алаз чпин шадвилерик теклифзава.

Къейд ийин хьи, мукьвара Дербентда, Лезги театрдин дараматди “Бахтавар” дестеди чпин сад лагьай концерт гана. Сиве-сивди ацIанвай залди абуру тамамарзавай манийрал халкьдин рикI алайдан гьакъиндай шагьидвалзавай.

Къуй лезги меденият девлетлу хьуник чпин пайни кутазвай “Бахтавар” дестедихъ мадни еке агалкьунар хьурай!

Агьмед Магьмудов