Малум тирвал, 1-июлдиз Урусатда уьлкведин Конституциядик кухтазвай дегишвилер тестикьарунин жигьетдай сечкияр кьиле фида. РД-дин Избирательный комиссиядин пресс-къуллугъди хабар гузвайвал, Дагъустандинса жерге районра сечкияр 21-июндиз кьиле тухудайвал я.

Ихтилат Ахвах, Ботлих, Гергебил, Гуьмбет, Гуниб, Рутул, Унцукул, ЦIумада ва Шамил районрикай физвай. Инра сесер виликамаз тухунин себеб, муниципалитетра сесер гудай бязи участокар яргъа ва анриз финн четин хьунихъ галаз алакъалу я.

Къейд ийин хьи, санлай къачурла, уьлкведа сесер гун, 1-июлни кваз, ругуд юкъуз давам жеда. И йикъара хатасузвал хуьн патал Дагъустанда кардик кутадай вири участокра Роспотребнадзордин истемишунрал кьетIендаказ амалда ва хатасузвал хуьнин жигьетдай вири серенжемар кьабулда.

«Лезги газет»