Дагъустандин кьиле авайбуру стIалжемдикди ва коронавирусдикди начагъ хьайибуруз куьмек гузвай медицинадин къуллугъчияр гьевесламишун патал 263 миллион манатдилай виниз алава такьатар чара ийида. Идакай “Лезги газетдиз” саласадиз РД-дин Кьил Владимир Васильеван регьбервилик кваз кьиле фейи коронавирус чукIунин вилик пад кьунин жигьетдай оперативный штабдин заседанидин нетижайрай республикадин Кьилин сайтди хабар гана.
“Региондин премьер-министр Артем Здунова малумарайвал, совещанидин сифте кьиле ихтилат авур, медкъуллугъчийриз санлай 263 миллиондилай гзаф алава такьатар гуниз талукь къарардал къул чIугунва”, — кхьенва малуматда.
Совещанидин вахтунда Дагъустандин здравоохраненидин министр Жамалудин Гьажиибрагьимова стIалжемди ва цIийи коронавирусди акIажарнавай ксариз медицинадин ерилу куьмек гунин гьакъиндай кьубалнавай серенжемрикай баянар гана.
Здравоохраненидин гьаларал гуьзчивал тухузвай сад лагьай вице-премьер Анатолий Къарибова къейд авурвал, медицинадин къуллугъчийриз алава пулар гунихъ галаз алакъалу региондин гьукуматдин къарардин проект гьазурнава.
«Лезги газет»
