И йикъара чи мектебдин коллективди чIехи магьрумвал гьиссна: са акьван яргъал давам тахьай азардикди вирида гьуьрметзавай чIехи муаллим, тежрибалу пешекар, гьам санал кIвалахзавай юлдашрин, гьамни аялрин, диде-бубайрин патай еке гьуьрмет къазанмишай урус чIаланни литературадин муаллим Жавагьир Эмирарслановна Мирзоева рагьметдиз фена.
Ж.Э.Мирзоева хейлин йисарин тежриба авай бажарагълу муаллим тир. Образованидин хиле кIвалахай йисара ада гзаф кьадар аялриз тербия, чирвилер гана. Мектебда ам вирида хъсан насигьатчи язни гьисабзавай. Ада гузвай меслятрал, теклифзавай къайдайрал гзаф муаллимри амалзавай. Алакьунар авай муаллим Жавагьир Мирзоева гьар йисуз аялрин имтигьанрин, яратмишунрин ва илимдин ахтармишунрин кIвалахриз къимет гун патал эксперт яз желбзавай.
Чун гьакъикъатдани чIехи муаллимдикай магьрум хьана. Ам неинки са кар алакьдай муаллим, гьакIни вафалу дуст, къени хесетрин инсан, чешнелу хизандин кьил, кIани диде ва баде тир.
Чна рагьметлудан хизанриз, вири мукьва-кьилийриз, дериндай хажалат чIугунивди, башсагълугъвал гузва.
Жавагьир Эмирарслановнадин экуь къамат гьамиша чи рикIера, адан тIвар мектебдин тарихда амукьда. Аллагьди адаз рагьметар, багърийрин рикIериз сабурар гурай. Амин!
Махачкъала шегьердин А.П.Гьайдаран
тIварунихъ галай 10-мектебдин директор Р.М.Сердеров,
муаллимрин ва вири къуллугъчийрин коллективар
