Дагъустандин милли политикадин ва диндин крарин рекьяй министерстводи алай вахтунда арадал атанвай гьалар фикирда кьуналди, Инстаграм сетда “Самоизоляция хийир кваз” тIвар алаз, виридалайни хийирлудаказ вахт акъудуниз талукьарнавай конкурс малумарнава.
Адан макьсад руьгьдинни ахлакьдин, этникадинни конфессийрин ва гражданвилинни ватанпересвилин рекьерай жува-жуваз ва акьалтзавай несилдиз тербия гун, гьа гьисабдай яз республикада авай къецепатан уьлквейрин агьалияр яшайишдинни культурадин рекьерай тупламишун я. Ам гьакIни Россиядин лишанлу вакъиадиз — Ватандин ЧIехи дяведа Гъалибвал къазанмишна 75 йис тамам хьунизни талукьарнава.
Конкурсдин шартIарал асаслу яз, ана иштиракиз ашкъи авай гьар са касди самоизоляциядин вахтунда кIвале вахт хийирлудаказ акъудун патал вич ва аялар квел машгъул ятIа, гьадакай итижлу публикация гьазурун, ам (министерстводин сайтда ва Инстаграм сетда къалурнавай шартIарал амална) чап авун герек я.
Конкурсдин нетижаяр алай йисан 20-майдиз кьада. Ана гъалиб хьайи ксариз къиметлу пишкешар гуда.
«Лезги газет»
