И йикъара “Мавел” чапханада алим, писатель, РД-дин лайихлу муаллим Къурбан Акимован “Лезги-урус гафарган” чапдай акъатна.
Лезги халкьдин илимдин ва культурадин деятелрин Ассоциациядин ихтиярдалди акъуднавай и гафарганда лезги чIалан 25500-далай гзаф дибдин гафар ва ибараяр гьатнава. Абур халкь рахадайвал кхьенва, алфавитдин къайдада эцигнава ва урус чIалаз таржума авунва.
“Лезги газетдин” чинра чна са шумудра вад виш манатдихъ и гафарган кхьиз жезвайдакай хабар ганай. Кхьенвайбурувай, икьрар хьанвайвал, ктаб вахчуз жеда. КIанибурувай 1000 манатдихъ масани къачуз жеда.
«Лезги газет»
