Дагъустан Республикадин Кьил Владимир Васильеваз ва РД-дин Халкьдин Собранидиз Хасавюрт райондин
ЦIийи Къурушрин хуьруьн агьалийрин тIварунихъай
1957-йисуз XX асирдин Гомер СтIал Сулейманан тIварунихъ галай Дагъустандин государстводин педагогвилин институт Дагъустандин государстводин университетдиз элкъуьрна ва ам В.И.Ленинан тIварунихъ яна.
Чун виридуьньядин пролетариатдин регьбердиз акси экъечIзавач. Чи мурад гьахъвал, гьакъикъат арадал хкун я. СтIал Сулейман вичикай саки вири дуьнья рахай сад лагьай дагъустанви шаир я. “Дагъустандин халкьдин шаир” тIварцIиз лайихлу хьунин кардани ам сад лагьайди я.
Чна Квевай Дагъустандин государстводин университетдиз адал бинедай алаз хьайи СтIал Сулейманан тIвар хгун тIалабзава. Им шаир хайи йикъан ва “Лезги газетдин” 100 йисан юбилейдин вилик хъсан савкьат жедай.
Чна гьахъвал арадал хкиз кIанзавай гьар са касдиз чи тIалабунин тереф хуьниз эвер гузва.
Къурушвийрин тIварунихъай тIалабун гьазурайди зегьметдин ветеран,
пенсионер Шагьназар Хидиров я.
И чарчел 129 касдин къулар ала
