Итижлу делилар

—           Таниш тушир, тийижир кардал машгъул хьун мефтIедин кIвалах артмишун патал хийир­лу яз гьисабзава. Камаллу инсандихъ галаз ихти­латрини къанажагъ хци ийида.

—           Сиягьатдиз фини кьатIунар зайиф тахьу­низ, къанажагъдин къуват агъуз ават тавуниз хъсан патахъай таъсирда.

—           “GoogIe” компанияди са секундда тахминан 700 доллар къазанмишзава.

—           Нью-Йоркдин юкьвал алай паркунин майдан Монако уьлкведин майдандилай – кьве сеферда, Ватикандилай цIуд сеферда еке я.

—           Эгер девекъушди вири къуватдивди чуку­райтIа, адан йигинвал балкIандиндалай артух жеда.

—           Юкьван гьисабдалди аялар йикъан къене 400 сеферда хъуьрезва, чIехибур — тахминан 15 сеферда.

—           “Астронавт” гаф грекрин “гъед” ва “моряк” манадин гафарикай арадал атанва.

—           Антарктидади кьунвай майданрикай анжах 1 процентда муркIар авач.

—           Филдин хамунин яцIувал бязи чкайрал 2,5 сан­тиметр кьван хьун мумкин я.

—           Юкьван гьисабдалди инсанди вичин уьмуьр­да 5 йис фу тIуьниз серфзава.

—           100 йисуз кьван яшамиш хьайибурукай 80 процент дишегьлияр я.

—           Америкавийри аялрин тIуьнилай гзаф пул кацерин  емдиз серфзава.

—           Итимар чпин уьмуьрда чуру тунал тахминан 3350 сятда машгъул жезва.

—           Италиядин “Ferrero” тешкилатди акъудзавай “киндер-сюрпризар” США-да маса гузвач, абур и уьлкведиз гъунал къадагъа эцигнава.

—           ХVII лагьай асирда термометрдиз живе (ртуть) ваъ, коньяк цазвай.

—           Къадим Египетда кац кьиникь еке тахсир­карвал яз гьисабзавай.

—           ЧIехи кенгурудивай 9 метрдин мензилдиз хкадариз жеда.

«Лезги газет»