8-Мартдин  суварин вилик квай йикъара Махачкъаладин 27 ва 61-нумрайрин юкьван школайрин завучар тир лезги ханумрив —  Фаизат  Бейбалаевна  Бейбалаевадив  ва  Заира  Орджоникидзевна  Гьамидовадив,      РФ-дин просвещенидин министрдин приказдин бинедаллаз, педагогвилин зегьметда къалурзавай  пешекарвилин устадвиляй ва кьетIен агалкьунрай “Россиядин Федерациядин тербиядинни просвещенидин Гьуьрметлу работник” лагьай тIварцIин знакар вахкана.

Чна абуруз и агалкьун рикIин сидкьидай мубаракзава:

Тербиядин рекье уьстек, мелекбур,

Маралар хьиз, гьакьван гуьрчег, зирекбур,

Невжаванрин юкьва авай гъетер хьиз,

Алахънава дуьнья хуьдай эквер гъиз!

Куь таъсибар мадни артух вине хьуй!

Гьар камуна агалкьунрин чешне хьуй!

“Лезги газетдин” редакциядин коллектив