Дагъустанда гьукуматдин къарардалди дагълух мулкар вилик тухудай государстводин цIийи программа тестикьарнава. Ам 2020-2024-йисара уьмуьрдиз кечирмишун фикирда кьунва ва йисариз пай тавуна, кьилиз акъудда.
Программадин гьисабдай хуьруьн майишатдин продукция гьасилун, ам гьялунин кьадарар артухарун, гьакIни дагълух чкайра кIвалахдин цIийи чкаяр тешкилун, зегьметдин гьакъи хкажун пландиз къачунва. Программа уьмуьрдиз кечирмишун патал 1 миллиардни 118 миллион манат чара ийидай фикир ава.
ИкI, 2024-йисалди АПК-дин продукция гьасилунин кьадар 127 миллион манатдилай 140 миллион манатдал кьван хкаж хьун лазим я, кIвалахдин цIийи чкаярни — 225-дан.
Зегьметдин гьакъидиз талукь яз, эгер 2020-йисуз адан кьадар 23,4 агъзур манат жедатIа, 2025-йисуз ада 31,3 агъзур манат тешкилда.
«Лезги газет»
