Идрисов Абдуллагь 1924-йисуз Куьре округдин Кашанхуьре кесиб лежбердин хизанда дидедиз хьана. Ватандин ЧIехи дяве башламиш хьайила, фронтдиз фейи ада саперрин полкуна къуллугъна.
Гуржистандин Гори шегьерда военный училищеда 1943-йисан августдин эхирдалди чирвилер, вердишвилер къачуна. Гуьгъуьнлай Абдуллагьан дя-ведин четин рекьер башламиш хьана. Ада Янаковскийдин дивизиядин 11-нумрадин, Украинский — фронтдин 149-стрелковый полкара аваз душманрихъ галаз женг чIугуна.
Ам авай полкуни Таганрог, Мариуполь, Донецк, Волково, Горловка шегьерар фашистрикай азадна. Идрисов Абдуллагьа вичин гьунарар Сталинград шегьер патал тухвай женгерани къалурна.
Ада советрин кьушунрик кваз Европадин цIудралди хуьрер ва шегьерар душмандикай азадна.
1941-1945-йисара Ватандин ЧIехи дяведа душмандихъ галаз хьайи женгера къалурай гьунаррай Абдуллагь Яру Гъед ордендиз, “ВикIегьвилин”, “Германиядал гъалибвал къачунай” медалриз, гьакIни грамотайриз лайихлу хьана.
Дяведилай гуьгъуьниз ада хуьруьн школада, колхозда, совхозда кIвалахна.
«Лезги газет»
