Чи 100 йисан юбилейдин йис патал “ЛГ”-дин 10 ва адалай гзаф экземплярар кхьиниз пулдин такьатар жагъурай ва чав агакьарай вирибуруз Аяз Бубадин патай аферин ва баркалла! Абуруз чна тебрикрин чIалар рекье твазва, чебни жезмай кьван алфавитдин къайдада чапзава.
Махачкъалада
Азаев Жабираз, культурадин “Къуруш” центрадин регьбердиз:
ГьалтзаватIан четинвал,
Кьабулзавач секинвал.
Жагъурзава гьар садаз
Газет кхьир мумкинвал.
Асаханов Шагьпазаз — девирдин меценатдиз:
Гзаф къени крариз
Янар бахшда гурарин!
Гагь гъана вав вугуда
Гьуьндуьр ракъин нурарин.
Байрамбегова Анжеладиз, “РЦО” ГБОУ-дин директордиз:
Къушарикай къуш я,
Гьакьван рикIиз хуш я.
Чи саваддиз къуллугъда,
Адан хайи руш яз!
Велиев Эзединаз, ДГУ-дин математикадин факультетдин доцентдиз:
Гаф авайд туш таъсибдиз,
Тадач садни кесибдиз.
Газетдиз пул жагъурда,
Килиг тийиз мажибдиз.
Диярханов Вакъифаз, “Хатасуз Дагъустан” ГКУ-дин директордиз:
Хьурай уьмуьр хатасуз,
Тефирай вахт файдасуз.
Руьгьни хуьда мягькемдиз,
Такьатар гъиз чарасуз.
Исаев Расимаз, РД-да РФ-дин МЧС-дин кьилин управленидин чIехи къуллугъчидиз:
КIватI хьайитIан тартаяр,
Тергда вири хатаяр.
Куьмек гурла газетдиз,
Акъудда мерд хунчаяр!
Исмаилов Тагьираз, ДГТУ-дин президентдиз, Халкьдин Собранидин депутатдиз:
Чи гьар йикъан меценат!
Аквадач руьгь куьцIена.
Халкь паталди гьамиша
Хуьзва руьгьдин жуьгьенар!
Къадималиев Мегьамедзакираз, “Дагъустан” агрохимкъуллугъдин гендиректордиз:
Авайди хьиз химкъуллугъ,
Хьурай рикIин чим — къуллугъ!
Гьич татурай рекьерал
РикI туькьуьлдай хъуьм,
къуллугъ!
Къадимов Русланаз, ДГПУ-дин филфакдин декандиз:
Аслан хва я чIал хуьниз!
Масан хва я кIвал хуьниз!
Гаф авайд туш, руьгьдани
Кьакьан хва я звал хуьниз!
Къазимегьамедов Нариманаз, РД-да РФ-дин МЧС-дин Кьилин управленидин начальникдиз:
ЭкъечIна хва КъванцIилай,
Рекьер ийиз кIвачелай.
Хуьруьн уьмуьр дегишна
Лап сифтегьан чарчелай!
Магьмудов Фаргьадаз, “Махачкъала” автоцентрадин сагьибдиз:
И центрадин сагьибдин
Кьакьан я тахт таъсибдин!
Газет кхьин тавурди
Кутаз паркут — айибдик.
Мегьамедагъаев Азетуллагьаз, девирдин меценатдиз:
Ам дуьньядин Лачин я,
Гьуьрмет пайиз кIвачин я.
Гъилевайди гьамиша
Шуьрбет хуьзвай гичин я!
Мегьамедов Муфрудиназ, ракьун рекьерин управленидин чIехи къуллугъчидиз:
Хуьз рекьерин гьерекат,
Гъизва халкьдиз берекат.
Руьгь хуьнизни миллетдин
Бахшда кьетIен мярекат.
Мегьамедова Фаридадиз, 16-нумрадин юкьван школадин директордиз:
Мелек хьиз я мектебдин!
Тухузва кар метлебдив!
Жизви кьванни рехъ гудач
Зайиф жедай себебдиз!
Мирзегьасанов Насрудиназ, 12-нумрадин юкьван школадин директордиз:
Школадин къайгъуйри
ХьайитIан вахт къакъудиз,
Алахъзава чи таъсиб
Мадни виниз акъудиз.
Рамазанов Рамазаназ, РД-дин цIаяр кьунриз акси къурулушдин кьилин пешекардиз:
Кубутвилиз цIай гуда!
Игитвилиз гьай гуда!
Таъсиб хуьрла, дустариз
ХъуьтIуьн юкьва Май гуда!
Салагьов Агъаметаз, ДГТУ-дин преподавателдиз:
Чидач гъвечIи — чIехивал,
Эхдач рикIи рехивал!
Яшамишрай лугьузва
Гьамиша чи Лезгивал!
Ханбалаев Назимаз, Проектрин институтдин гендиректордиз:
Ава хцихъ милливал,
Мецен мердвал, михьивал.
Меденият хуьн патал,
Серфда руьгьдин хцивал!
Хидиров Мурадаз, гьуьлуьн портунин начальникдиз:
Иесидин портунин
Руль гъилева вахтунин.
АцIун патал яшайиш
Герек гьар са шартIунив.
Шагьбанов Низамаз, 13-нумрадин гимназиядин муаллимдиз:
Ашукь хва я тарихдал!
Къимет гъида лайихдал!
Мелгьем пайда рикIевай
Итимвилихъ къарихдаз!
Эсетов Азединаз, ДГМУ-дин доцентдиз, Халкьдин духтурдиз:
Гьар са кIвале кьеб хьунал,
Бахтариз бул деб хьунал,
Ашукь хва я ажебдиз
Шадвилер чи зерб хьунал!
Ясабви Абдуллагьаз, зегьметчидиз — зарбачидиз:
Вичин кьетIен зегьметдив
Дагъ хкажда гьуьрметдин!
Хазинайриз чи руьгьдин
Хуьз алакьда къимет дуьз.
Каспийскда
Агьмедов Тагьираз, “Каспий-теплосервис” ООО-дин гендиректордиз:
Устадвилиз магьир я,
Регьбервилиз загьир я.
Гузвайди чаз къулайвал
КьепIирви хва Тагьир я!
Гьажибабаев Назираз, “Дагдизель” заводдин коммерческий директордин заместителдиз:
Ви рикIевай къенивал
Я таъсибдин кIанивал!
Чи патайни гьамиша
Къведа рикIин мани вал…
Жабраилов Гьанифадиз, Каспийск шегьердин агъсакъалрин советдин председателдиз:
Къуват гузва камалдиз,
Ахлакьдизни жамалдиз.
Руьгьдин девлет хуьн патал
Жафа серфда гьалалдин.
Магьамдалиев Яралидиз, зегьметчидиз, устIардиз:
Акваз чIехи устIарвал,
АлтIушзава дустар вал.
Къуй тагурай къаяри
Садазни дерт, я тIарвал!..
Фатуллаев Имамудиназ ва Азизов Абдуллагьаз, Дуьм-дуьз механикадин заводдин гендиректордиз ва кьилин бухгалтердиз:
Сагьибар я дуьзвилин,
Вуч гекъигда чирвилив!
Газет патал гевгьерар
Эцигзава, гъиз вилик!..
Дербентда
Гьасанов Жамбулатаз ва Гьашимов Гьуьсейназ, шегьердин налогрин инспекциядин ва отделдин начальникриз:
Кьвед кьве гъил хьиз
бедендин,
Къайгъуйрик ква кьетIен тир.
Хазинадиз девлет гъиз,
Женгинава уьтквемдиз…
Жабраилов Гьажидиз, “Дагюгстрой” ОАО-дин гендиректордиз, халкьдин Игитдиз:
Гелхенрин хуьр, шегьер хьиз,
Генг тIуларал дуьзмиш я.
Чи чIал хуьзва гевгьер хьиз,
Берекатар битмиш я!
Тагьирбегов Рамазаназ, Белиждин участокдин больницадин кьилин духтурдиз:
Дуьнья хуьрай сагъвили,
Инсанрин къуччагъвили.
Руьгьдизни чи дарман хьуй
Хайи чIалан тагъ вили!
Яралиев Имамаз — общественно-политический деятелдиз, девирдин машгьур меценатдиз:
Яшамишрай СтIалар —
Арифдаррин кIватIалар!
Милли мескен хуьн патал
Гъида къашар, закIалар!
«Лезги газет»
