Эхиримжи вахтара яшайишдин кIвалери цIаяр кьунин дуьшуьшар гзаф жезва. И кардин себебни цIаяр кьуникай хуьнин къайдайрал амал тавун я. Ша, чна и къайдайрал амал ийин, гьикI лагьайтIа, цIаяр кьуни кIвалин эмени тергзава, инсанар телеф жезва.

Яшайишдин кIвалери цIаяр кьунин кьилин себебар ибур я:

—        цIув мукъаятсузвилелди эгечIун;

—        къатканвай месик пIапIрус чIугун;

—        аялар цIухъ галаз къугъун;

—        электрикдин тадаракар эцигайла, цIаяр кьуникай хуьдай къайдайрал амал тавун;

—        газдин тадаракар  ишлемишунин къайдаяр чIурун;

—        дараматрин патав цIаяр хъувун ва зирзибилдиз цIай ягъун;

—        цIай кутун  патал фад цIай кьадай бензин, ацетон ва маса шейэр ишлемишун.

Агъадихъ галай меслятрал амал авуртIа, цIаяр хъийидай сезондиз квевай куь кIвал — эменни цIай кьуникай хуьз жеда:

—        цIаяр хъийидай цIийи тадаракар анжах пешекардив эцигиз тан;

—        цIаяр хъийидай тадаракар гьар йисуз пешекарди ахтармишин ва абур ремонт ийин;

—        бойлерар, пичер, яд чими ийидай котелар, пичерин турбаяр тайин къайдада михьдай  график туькIуьрин;

—        кIарас кудай пичер, каминар, гумадин турбаяр гьар йисуз ахтармишин;

—        кIвале кIарасдин цIивин ишлемиш тийин. Ам кудайла уьмуьр патал хаталу тир угардин газ арадал атун мумкин я;

—        ксудалди вилик каминда цIай амани-амачни килигин.

КIвалер чими ийидай электрикдин тадаракар

Электрикдин тадаракрилай цIаяр кьунин кьве себеб ава: абур ишлемишунин къайдаяр чIурун ва таквадай жуьреда чIурузваз хьун.

Агъадихъ галай меслятрал амална кIан­да:

—        электроприборар къачудайла, чеб чпиз  хкатдайбур хкягъа;

—        чимивал гудай приборрин элкъвена вири патарихъай ачух чка аваз хьун  лазим я;

—        абур фад цIай кьадай пердейривай, месин агъаривай, мебелдивай са метрдин яргъа хьана кIанда;

—        аялар чимивал гудай приборрин патав агатун лазим туш;

—        приборар анжах сертификат авайбур ишлемишун герек я;

—        электрикдин обогревателар ваннайра ва маса чкайра ишлемишна виже къведач;

—        ксудалди вилик чим гудай вири приборар хкуда;

—        чIурузвай розеткаяр ишлемишмир, са розеткадик са шумуд прибор кутамир.

Симер кьадардилай артух ифейла, замыкание хьун мумкин я;

—        спичкаяр, зажигалкаяр аялриз аквадай чкайрал эцигмир;

—        кIвале пIапIрус чIугвамир;

—        аялар ва гьакIни кIвалин гьайванар кIвале текдиз тамир;

—        кIвал чими авун патал духовка, газдин пич ишлемишмир, угарный газ арадал гъана­, инсан зегьерламиш хьун, гьатта кьиникьни мумкин я.

Жув ва жуван мукьвабурни цIаяр кьуникай хуьх.

КьетIен дуьшуьшра сотовый телефондай “101” нумрадиз зенг ийиз жеда.

РФ-дин МЧС-дин РД-да авай ГУ-дин ихтибардин телефон — 8 (8722) 399999.

М.Амиров