Алхиш

Имам  Яралиеваз

Хъсан ийиз алахъзавай

Чи пис тир гьалар!

Ава чахъ чи Лезги чилел

Пара кьегьалар!

Даим чпихъ рикIер авай

Дагъдин лекьерин!

Иесияр хайи чилин,

Экуь рекьерин!

Абурукай — Яралиев

Имам, вун я сад!

Йисалай — суз чун — хайи эл,

Ийизвайди шад!

На кутунвай уьзуьм багълар

КIварчагърин чилел,

Гъана бегьер, авадан я

Къуччагърин чилел!

Жегьилринни чи гележег

Хьун патал хъсан,

Гьар садакай викIегь, кьегьал­

Хьун патал инсан,

Эцигнавай и дарамат

Къугъунрин рекьяй,

“Ви чан сагърай” — лугьузва ваз

Лап михьи рикIяй.

КIварчагъ хуьруьн агьалийри —

ГъвечIи — чIехида,

Чи дередин кьуд хуьруьнни

Элди вирида!

Дильмиради тикрарзава:

— Ви гьар са мурад,

Гегьенш хьана,уьмуьрда вун

Мадни хьурай шад!

«Лезги газетдин» 2019-йисан 45-нумрадай

__________________________________________________________