5-сенятбрдиз Мегьарамдхуьруьн райондин кьил Фарид Агьмедова РД-дин жегьилрин крарин рекьяй министерстводин векилар мугьманвиле кьабулна. Идакай «Лезги газетдив» муниципалитетдин администрациядин пресс-къуллугъди хабар агакьарна.
Гуьруьш кьиле фейи вахтунда Патимат Омаровади чпиз Мегьарамдхуьруьн райондин мулкара кардик квай «Республиканская специальная (коррекционная) школа – интернат VIII вида» ГКОУ-диз физ кIанзавайдакай ихтилатна.
ТIвар кьунвай идарадикай рахадайла, райондин регьберди а мектебдин-интернатдин директорди гъавурдик кваз кьиле тухузвай кIвалахдин важиблувал къейдна. «Гьар сеферда мектебдиз-интернатдиз фейила, зун ана хъсандаказ кIвалах тухуникди арадал къвезвай нетижайрин шагьид жезва. Шадвал ийиз жедай мад са делил ам я хьи, эхиримжи йисара и идарадин аялри жуьреба-жуьре хилерай агалкьунар, хъсан дережаяр къазанмишзава», — лагьана Ф.Агьмедова.
«Лезги газет»
