Акьул. Вахт. Бахт. Тарих. Девир… Фикир гайила, ибур, чпин мана-ме­тлебрал гьалтайла, сад муькуьдалай, я инсандилайни аслу гафар туш.

Вахт. Девир. Девирар. Тежриба. Филдал элуькьзава кицI. КицI элуькьзава — карванди рехъ давамарзава. КицI инсандин дустни я, куьмекчини. И гафарин къатар, ибараяр, гьакI­ни предложенияр жеми­ятдин (инсаниятдин) тарихдиз гьар са девирда атанвайбур я.

Чирвал. Инсанар жемиятриз пайи-паяр хьуналди, абуру чпин тафаватлувилер чпиз таниш гьайванринни ничхиррин, къушаринни амай чан алай ва я чан алачир затIарив гекъигдай. Месела, кицIин амалар, кицIин хесетар, ам иеси авачир ва я хуьзвай кицIин гьалда ава, ажал агакьай кицIи вичин иесидин шаламар неда.

Лиф, къвед, чубарук, билбил, гъед, варз, рагъ, къизил, якъут, гевгьер, бегьердавай багъ хьтин ва икI мад. Девир (девирар) дегиш хьунихъ галаз гьар са вилаятда жемиятриз чара хьанвай ва арадиз атанвай инсанриз чпин хсуси кьетIенвилер (адетар, тIуьнар, алакъаяр…) себеб яз, чIаларни, чирвални (гзаф-тIимил) арадиз атана. Гьа икI — за­кон — къанунни, гьукумат (гьукуматарни). Анжах уьмуьрдин тежриб­а бинеда аваз. Алатай девирдин менфятлувилелай алай девирдин менфятлувал артух жедайвал.

Гьакъикъат

Аламатдинди я чи девир. Де туштIа, куьн килиг, гьуьрметлу кIел­завайбур.

2013-йисан 10-апрелдиз Дагъустан Республикада авай Пенсийрин фондунин отделениди — гьукуматдин идаради — хганвай жавабдай аквазва хьи, (таблица агъадихъ гузва) зи пенсиядин выплатной ведомостдин, ИЛС-дини (индивидуальный лицевой счет) и кар тестикьарзава: заминламишнавай 21332 манатни 58 кепек взносарни статистикади заз тайинарнавай уьмуьрдин а кьил — 138 варз — фикирда­ кьуртIа, 2011-йисан 1-августдилай зи пенсия гьар са вацра 154 ма­нат­ни 59 кепекдин артух хьун лазим тир. Гьа жавабдай малум жез­вайвал, Мегьарамдхуьруьн районда авай Россиядин Пенсийрин фондунин управленидин начальник А.М.Къазиеваз зун, арзачи, тир гьалда гъавурдик кутун ва цIийи кьилелай пенсиядин гьахъ-гьисаб кьиле тухун тапшурмишнава. Амма нетижа тахьуникди кар суддал аватна. Мегьа­рамдхуьруьн райондин судди 2013-йисан 9-октябрдиз вичин къарар акъудна: заминламишнавай  взносрай кIанзавай пул вахкун тийидай. Республикадин Верховный суддин апелляциядин инстанциядини къарар къуватда туна, анжах Мегьарамдхуьруьн райондин­ суддин къарарда къалурнавай пулунин кьадар галачиз. Алай девир­да ихьтин судрикай атай наразивилериз кихлигдай региондин умуми юрисдикциядин 5-кассационный судди 2021-йисан 14-декабрдиз и месэладиз талукь яз вичин къарарни акъудна: “оставить без рассмотрения” (кихлиг тавуна тун).

Гьа им я жал гьакъикъат — девирди гьакъикъи зегьметдиз къвезвай (гузвай) къимет?!

Абдулашим Гьажимурадов