Дагъустан яшайишдинни экономикадин рекьяй вилик финик лайихлу пай кутунай, республикадин жемиятдин тешкилатрин «Защитник Отечества» Союзди чи машгьур ватанэгьли, меценат, сенатор Сулейман Керимоваз «Дагъустандин гьуьрметлу агьали» тIвар ганва. Идакай «Лезги газетдиз» Союздин председатель Гьасангьуьсейн Абдулжелилова хабар гана.
Ада къейд авурвал, цIи арадал гъанвай жемиятдин цIийи шабагь Дагъустан жуьреба-жуьре рекьерай вилик финин кардик чIехи пай кутазвайбуруз гузва. Сулейман Керимов и тIварцIизни къизилдин ордендиз лайихлу хьанвай сад лагьай кас я.
«Сулейман Керимова Дагъустандиз ганвай куьмекар лап екебур я. Яшайишдин гьи хел къачуртIани, гьаниз чи жумарт ватанэгьлиди пулдин такьатар чара авунва. Адан захавал, мергьяматлувал къейд авун, халкь паталди чIугвазвай зегьметдиз къимет гун патал чна и шабагь Сулейман Абусаидовичаз гудай къарар кьабулна», — лагьана Гь. Абдулжелилова.
«Лезги газет»
