Мегьарамдхуьруьн райондин администрациядин гъвечIи залда администрациядин махсус комиссиядин нубатдин заседание кьиле фена. Идакай «Лезги газетдиз» райондин администрациядин пресс-къуллугъди хабар гузва.
Анал муниципальный райондин мулкара административный къайдаяр чIурай гьакъиндай тир материалриз килигна.
Заседание райондин кьилин сад лагьай заместитель Гьабибуллагь Мурадалиеван председателвилик кваз кьиле фена. Ана административный комиссиядин секретарь Исмаил Арасханова ва комиссиядин членрини иштиракна. Малум хьайивал, административный къайдаяр чIурай вири дуьшуьшар мулкар абадунин къайдаяр чIурай делилрихъ галаз алакъалубур я. Материалриз килигайдалай кьулухъ, комиссияди къайдаяр чIурунай жаза гун яз, административный жермеяр тайинарунин къарар акъудна.
Къейдна кIанда хьи, административный комиссия административный законодательствойрал амал авунин месэлайрал гуьзчивал тухунал машгъул жезва. Административный къайдаяр чIурай дуьшуьшра жавабдар ксари талукь тир протоколар туькIуьрзава.
«Лезги газет»
