3-майдиз Кьурагь райондин Аладашрин ва Къумухрин мектебра «Кьурагь район» МР-дин кьилин заместитель Альберт Исаев ва Кьиблепатан территориальный округда РД-дин Муфтиятдин марифатдин отделдин регьбер Шамиль Омаров чlехи классра кlелзавайбурухъ галаз гуьруьшмиш хьана.

Альберт Исаева къейд авурвал, и гуьруьшар райондин АТК-дин 2018-йисан пландин бинедаллаз кьиле тухузва. Экстремизмдизни терроризмдиз аксивалунин месэлаяр гьукумдин ва къайдаяр хуьзвай органрин дикъетдин юкьван амукьзава. И жигьетдай иллаки жегьилар дуьз гъавурдик кутун чарасуз я.

Гуьруьшдал рахайбуру терроризм негь авуникай, наркоманиядин зарардикай ихтилатна. Мектебда кlелзавай жегьилриз интернетдикай дуьздаказ менфят къачунин къайдайрикайни лагьана. Гуьруьшдин эхирдай мугьманри чlехи классра кlелзавай аялрин хейлин суалриз жавабар гана.

«Лезги газет»