«Мегьарамдхуьруьн район» МР-дин администрациядин пресс-къуллугъди «Лезги газетдиз» хабар гузвайвал, 3-майдиз Мегьарамдхуьруьн райондин администрацияда райондин кьил Фарид Агьмедов Дагъустандин халкьдин писатель, РД-дин искусстводин лайихлу деятель Абдуселим Исмаиловахъ галаз гуьруьшмиш хьана.

Кlвалахдин рекьяй кьиле тухвай гуьруьшдин сергьятра аваз абуру юбилейдин ктабдин материал кlватlунин месэлаяр веревирдна.

Къейд ийин, алай йисуз Мегьарамдхуьруьн районда район арадал атайдалай инихъ 75 йис тамам хьунихъ галаз алакъалу суварин мярекатар кьиле фида. Алай вахтунда пландин бинедаллаз юбилейдин мярекатрин гьазурвилер аквазва.

Юбилейдиз талукь ктаб гьазурунин кlвалах шаир, писатель Абдуселим Исмаиловал тапшурмишнава.

«Лезги газет»