РФ-дин Гьукуматди эхиримжи йисара здравоохраненидин пешекарриз «Земский духтур» программада иштиракун теклифзава. Программади медицинадин рекьяй жегьил пешекарриз хъсан мажиб авай кIвалах теклифунилай гъейри, пулсуздаказ яшамиш жедай чкадалди таъминардай мумкинвал гузва.
Сулейман-Стальский райондин пресс-къуллугъди «Лезги газетдиз» хабар гузвайвал, вири республикада хьиз, и райондани 2016-йисалай винидихъ тIвар кьунвай программа уьмуьрдиз кечирмишун давамарзава. Алай вахтунда «Земский духтур» федеральный программадикай районда 17 пешекарди менфят къачунва, абуру ЦРБ-да ва хуьрерин амбулаторийра кIвалахзава, абуру са сеферда яз гузвай миллион манатдин кьадарда пулдин такьатарни къачунва.
«Лезги газет»
