Майдин вацра жезвай суваррихъ галаз алакъалу яз дагъустанвийри гьи йикъара ял яда?
1-майдиз вири уьлкведи — Гатфаринни зегьметдин сувар ва 9-майдиз Ватандин ЧIехи дяведа Гъалибвал къачур югъ къейдда. И суварар себеб яз цIи уьлкведин агьалияр патал ял ядай (кIвалах тийидай йикъар) апрелдин вацралай гатIундайвал я.
РД-дин Гьукуматдин телеграм-каналди хабар гузвайвал, 28, 29, 30-апрелдин ва 1-майдин йикъар кIвалах тийидайбур яз малумарда. Амма 27-апрелдиз (киш юкъуз) кIвалахдай югъ жеда. Гъалибвилин сувариз 9, 10, 11, 12-майдин йикъара ял яда.
«Лезги газет»
