Кьурагь районда муаллимрин йикъаз талукьарна, юкьван яшда авайбурун арада волейболдай турнир кьиле фена. Идакай «Лезги газетдиз» райадминистрациядин пресс-къуллугъди хабар гузва.

Акъажунар райондин спортдин ва жегьилрин крарин рекьяй отделди ва Кьурагьрин 1-нумрадин мектебдин руководстводи тешкилна. Турнирдин кьилин макьсад, тешкилатри къейдзавайвал, сагълам уьмуьр ва спорт таблигъ авун, райондин халкьдин арада волейбол машгьур авун ва агьалияр спортдал желб авун я.

Малум тирвал, Кьурагь районда волейбол гьамиша машгьур я. Ина вахт-вахтунда  жуьреба-жуьре турнирар тешкилзава.

Къизгъин къугъунрин нетижада Кьурагь хуьруьн 1-нумрадин командади Кьурагь хуьруьн спортдин ветеранрин командадин винел гъалибвал къачуна. Пуд лагьай чка РОВД-дин ветеранрин командади кьуна.

Къугъунра иштиракай вири командаяр «Кьурагь район» МР-дин кьил Замир Азизова ва ФС-динни ДМ-дин отделдин начальник Рамиз Рамазанова талукь тир кубокралди, медалралди ва грамотайралди къейдна.

Эхирдай Замир Азизова муаллимрин коллективдиз пешекарвилин сувар тебрикна, кlвалахда агалкьунар хьун алхишна.

Къейд ийин, Россияда 5-октябрь муаллимрин югъ яз къейдзава.

«Лезги газет»