Мегьарамдхуьруьн райондин администрациядин пресс-къуллугъди хабар гузвайвал, и райондин Гъепцегьрин юкьван мектебда кlелзавай Лейла Нагъиевади терроризмдихъ галаз женг чlугунин карда рейсадвилин йикъаз талукьарнавай республикадин конкурсда приздин чка кьуна.
И йикъара Махачкъалада «Цифровой алемда экстремизмдизни терроризмдиз аксивал авун» темадай 5 лагьай сеферда яз вирихалкьарин илимдинни тежрибадин конференция кьиле фена. Мярекат РД-дин информатизациядин, алакъадин ва массовый коммуникацийрир министерстводи террроризмдиз акси Россиядин милли комитетдин куьмекдалди тешкилна.
Конференциядин сергьятра аваз, мектебдин эсседин республикадин конкурсда гъалибвилер къачур республикадин шегьерринни районрин 17 школьникдив наградаяр вахкана.
Агалкьунар хьайибурун жергеда Гъепцегьрин мектебда кlелзавай Лейла Нагъиевани ава. Ада «Терроризмдиз аксивалун» номинацияда 2-чка кьуна.
Конкурсдин гъалибчийрив наградаяр РД-дин Мининформдин регьбер Сергей Снегирева ва РД-дин образованидинни илимдин министр Уммупазиль Омаровади вахкана.
Мярекат РД-дин Кьил Владимир Васильевахъ галаз рикlел аламукьунин шикил ягъуналди куьтягь хьана.
«Лезги газет»
