Халкьарин садвилин йикъаз талукьарна, и йикъара Ахцегь районда волейболдай 2004-йисуз дидедиз хьайи ва адалайни жаван рушарин командайрикай ибарат районрин уртах акъажунар кьиле фена. И хабар «Лезги газетдив» Ахцегь райондин администрациядин пресс-къуллугъди агакьарна.

Акъажунар райондин спортдин, жегьилрин сиясатдин ва туризмдин отделди, «УКСМПиТ» МКУ-ди санал тешкилна. Турнир Ахцегь хуьруьн 1-нумрадин мектебдин спортзалда «Жегьилар наркотикризни террордиз акси я!» лишандик кваз кьиле фена.

Къугъунрин нетижада 1-чка Ахцегьрин командади, 2-чка Мегьарамдхуьруьн райондин ва 3-чка Дербент шегьердин командайри кьуна.

Гъалиб хьайи командайриз, акъажунра тафаватлувилелди къугъвай кьилдин волейболисткайризни пишкешар ва грамотаяр гана.

«Лезги газет»