Дагъустандин государстводин технический университетдин бинедал военный рекьяй чирвилер гудай центр арадал гъида. ДГТУ-дин тербиядин рекьяй проректордин везифаяр тамамарзавай Т.Рагьимовади хабар гайивал, и макьсаддиз 15 миллион манатдив агакьна пулунин такьатар чара авунва. Центради 2024-йисан сентябрдилай кIелдайбур кьабулда. 

«Советрин Союздин девирда нетижалудаказ военный резервдин гьазурвал акун патал вузра военный кафедраяр арадал гъун ва кардик кутун гегьеншдиз ишлемишзавай тежриба тир. Чи вуз патал им цIийи кIвалах я ва, женгинин гьерекатар кьиле тухунин тегьерар технический рекьихъ элкъвезвайвиляй, военный жигьетдай чирвилер гунин региондин центр ачухунин кар технический университетдал ацалтунин себебдин гъавурда чун акьазва…», — лагьана Т.Рагьимовади.

ТIвар кьунвай центр арадал гъунин месэлаяр РФ-дин оборонадин министерстводин гуьзчивилик жеда.

«Лезги газет»