19-декабрдиз Махачкъалада Дагъустандин Кьилин везифаяр вахтуналди тамамарзавай Владимир Васильев Россиядин Федерациядин МВД-дин министр Владимир Колокольцевахъ галаз гуьруьшмиш хьана. Идакай “Лезги газетдиз” РД-дин Кьилин ва Гьукуматдин Администрациядин пресс-къуллугъди хабар гана.

Гуьруьшдин сергьятра аваз, Дагъустандин мулкарал тахсиркарвилерихъ галаз кьиле тухузвай женгиниз, общественный къайда таъминаруниз талукь месэлаяр веревирдна. В.Васильевни В.Колокольцев гьакIни региондин къанун-къайда хуьдай ва исполнительный гьукумдин органрин арада авай алакъаяр бегьемаруникай рахана.

Къейд ийин хьи, Владимир Колокольцева РД-дин МВД-да махсус совещание кьиле тухуда ва ам республикадин са жерге ведомствойриз мугьман жеда.

«Лезги газет»