Дагъустан Республикадин инвестицийрин программайрин гьисабдай дагълух мулкара яшайишдин ва инженерный къурулушар арадал гъунин серенжемар кьиле тухузва. Идан гьакъиндай РД-дин экономикадин ва мулкар вилик тухунин министрди малумарна.
Алай вахтунда 103 объект эцигунин кIвалахар кьиле физва. Абурук умуми образованидин 25 ва мектебдиз фидай вахтунилай вилик квай яшарин аялриз тербия гудай 11 идара акатзава. Абурулайни гъейри, здравоохраненидин 5 объект, медениятдин — 1, физкультурадинни спортдин — 3 ва администрация патал 1 дарамат эцигдайвал я.
Дагълух районрин хуьрериз яд тухунин, абур тIебии газдалди таъминарунин серенжемарни кьилиз акъудзава.
Алай йисуз гъиле кьунвайбурукай — 59, гьа жергедай яз целди таъминарунин 19 объектни акьалтIарна ишлемишиз вахкун фикирдиз къачунва.
«Лезги газет»
