Мегьарамдхуьруьн райондин кьилин призар патал жаванрин арада дзюдодай Дагъустандин кIвенкIвечивал кьиле фена.
Мегьарамдхуьруьн районда Советрин Союздин Игит Абас Исрафилован тIварунихъ галай ДЮСШ-да гьар йисуз кьиле физвай и турнирда 2000-2001-йисара дидедиз хьанвай жаванри иштиракна. Пагьливанри кьве юкъуз чпин категорийрай акъажунра викIегьбур тайинарна.
Турнир ачухунин мярекатдал Мегьарамдхуьруьн райондин кьил Фарид Агьмедова вири иштиракчияр ва тамашачияр тебрикна, и акъажунрин важиблувал къейдна ва гьар са пагьливандиз вичин вири алакьунар къалуриз хьун алхишна.
Спортдин мярекатдиз килигиз СССР-дин спортдин мастер, Дагъустанда дзюдодин федерация арадал гъайи Туьркменистан ССР-дин лайихлу тренер Тажир Абдулатифов, райсобранидин председатель Абубакар Ханагьмедов, райондин кьилин 1-заместитель Гьабибуллагь Мурадалиев ва гзаф масабур атанвай.
ЦIи турнирда 11 райондин спортсменри иштиракна.
Дагъви Шериф
